Mediat greke: Kafiças ngriti flamurin në varrezat e ushtarëve grekë në Bularat

Mediat greke shkruajnë se shkak për përplasjen me arme mes ushtarit grek, një ekstremist me prirje radikale është bërë ngritja e flamurit grek në varrezat e ushtarëve grekë në jug.

“Një ushtar grek ngriti flamurin grek në varrezat e ushtarëve grekë të vrarë, në përvjetorin e 28 Tetorit. Policia shqiptare nderhyri për ta ulur flamurin dhe për pasojë ai mund të ketë nisur të qëllojë me Kallashnikov” shkruan Prothotema. Gjithsesi policia shqiptare nuk e ka konfirmuar këtë version të ngjarjes.

Një përplasje e tillë me armë mes një ushtari grek dhe policisë shqiptare nuk kishte ndodhur më parë. Varrezat e ushtarëve grekë të vrarë gjatë luftës së dytë botërore ishin pjesë e marrëveshjes mes Shqipërisë dhe Greqisë.