Mesazhi i Berishës për Fadil Hasën: Dielli perëndoi pergjithmonë…

Ish-kryeministri Sali Berisha ka shprehur ngushëllimet për ndarjen nga jeta të aktorit të madh të humorit, Fadil Hasa. Në një postim në Facebook, ish-kryeministri Sali Berisha, shkruan se kjo është një humbje e pakompensueshme për artin shqiptar.

Reagimi i Sali Berishës

Dielli perendoi pergjithmone per artistin e mirenjohur Fadil Hasa!

Te dashur miq, sot u nda nga jeta Fadil Hasa, njeri nga artistet me te mirenjohur, me te talentuar, me popullor te teatrit, estrades, filmit shqiptar, duke zhytur keshtu ne hidherim dhe zi familjen e tij te nderuar, boten e artit, mbare artedashesit shqiptar qe deshen dhe çmuan aq shume interpretimet e tij mahnitese.

Por Fadil Hasa ishte dhe njeri prej mbeshtetesve me te vendosur dhe te shquar te Partise Demokratike dhe demokracise shqiptare dhe ne ditet me te veshtira te tyre.

Duke shprehur ngushellimet e mia me te sinqerta familjes Hasa per kete humbje te pakompensueshme dhe mbare botes se artit, qytetareve artedashes dhe demokrateve shqiptar, une i lutem Zotit qe shpirti i madh i Fadilit te gjeje paqen e merituar! Ngushellime!! sb