Mësuesi seks me nxënësen e klasës së pestë, pranon publikisht: E josha!

Prokuroria e Lushnjes kërkon 25 vjet burgim për  Demir Hoxhën, mësuesin kujdestar të shkollës 9 vjecare në Kryekuq të Divjakës i cili akuzohet se ka kryer marrëdhënie seksuale me një nxënëse të klasës së pestë (të mitur).

“Vetë e mitura në shoqërinë e prindërve të saj, denoncoi në polici, në fillim të qershor 2015, se  mësuesi kishte kryer marrëdhënie seksuale me të në dt. 29.05.2015.

“Gjatë hetimit rezultoi se i pandehuri kishte kryer marrëdhënie seksuale me këtë vajzë të mitur edhe disa muaj më parë, në janar të vitit 2015.

“Gjatë hetimit dhe më tej në gjykim, i pandehuri ka pranuar se ka kryer marrëdhënie seksuale me të miturën dy herë, por ka deklaruar që këtë e ka realizuar nëpërmjet joshjes dhe një asnjë rast me dhunë” informon përmes një deklarate për shtyp të 29 korrikut 2015 prokuroria.

Po ashtu, edhe ekspertiza mjeko-ligjore, provon faktin për të cilën akuzohet i pandehuri.

Gjykimi kundër të pandehuri Demir Hoxha u zhvillua me procedurë të përshpejtuar dhe Prokuroria e Fierit, në përfundim të gjykimit, kërkon dënimin e tij me 25 vjet burg.

Për shkak të gjykimit të shkurtuar, i pandehuri do të përfitojë uljen e 1/3 së dënimit që pritet të jepet nga gjykata.