Meta: Gëzuar festën e Kurban Bajramit, pa sakrifica s’ka begati

Presidenti i Partisë së Lirisë, Ilir Meta ka uruar festën e Kurban Bajramit. Në një postim në llogarinë personale në rrjetin social Facebook, Meta uron shqiptarët që ky Bajram t’i gjejë shqiptarët me plot dashuri, falje dhe mirënjohje.

Urimi i plotë

Gëzuar Kurban Bajramin!

Uroj përzemërsisht që ky Bajram t’ju gjejë me zemrën plot dashuri, paqe, falje dhe mirënjohje!

Qoftë sakrifica e kësaj feste një simbol i afërsisë me Zotin, i mëshirës për të tjerët dhe i përkushtimit ndaj së mirës.

Kurban Bajrami na kujton se pa sakrifica nuk ka begati, se rruga drejt së mirës kërkon durim dhe devotshmëri. “As mishi dhe gjaku i tyre nuk arrin te Zoti, por tek Ai arrin devotshmëria juaj.” – Kuran

Zoti ju bekoftë me shëndet, begati dhe lumturi familjet tuaja!”.