Meta i përgjigjet Berishës: Në këto 30 vite jam njeriu që ka qëndruar më koherent me Kushtetutën

Çështja e dekretit nga ana e Presidentit Ilir Meta nga Stambolli për Bajram Begajn, është kthyer në një ”mollë sherri”. Duke u ndaluar te qëndrimi i Sali Berishës, presidenti Meta thekson se ai është njeriu që ka qëndruar koherent me kushtetutën më shumë se kushdo tjetër në këto 30 vite.

“Se çfarë thotë zoti Berisha është e drejtë e tij. Nëse ka ndonjë njeri në këtë tokë më koherent me kushtetutën. Më falni për mungesën e modestisë, por ai është vetëm Ilir Meta. Ku është e shprehur kjo që firmoset jashtë territorit? Presidenti përgjigjet për zbatimin e kushtetutës së Shqipërisë. Procedura e ndjekur ka qenë e qartë dhe plotësisht transparente. Procedura e firmosjes së këtij Dekreti është veç në zbatim të Kushtetutës”.