Meta: Kur të garoj për deputet, do ta thyej disa herë herësin

Kreu i Partisë së Lirisë, Ilir Meta, në një konferencë për shtyp deklaroi se nuk pritet asnjë risi në lidhje me ndryshimet në kabinetin qeveritar të propozuar ditën e djeshme nga kryeministri Edi Rama në kongresin e PS.

“Pa u larguar Rama, nuk ka shpresë në këtë vend. Nuk pritet asnjë risi nga ndryshimet e bëra”, tha Meta.

Më tej Meta tha se nuk duhet të ketë asnjë dyshim se në 2025 do të kandidojë për deputet, ndërsa u shpreh se është i bindur se do ta thyejë disa herë herësin.

“Kush e vë në diskutim që unë do të jem kandidat për deputet në kryeqytet, bën gabim të madh dhe besoj se do ta thyej disa herë herësin”, shtoi Meta.