Meta: Kuvendi të dalë me një rezulutë për zgjedhjet në bashkitë që kryetarët e PS i dogji ligji

Presidenti Ilir Meta thotë se ai nuk do të dalë me një dekret për zgjedhje të parakohshme në 6 bashki, aty ku mungojnë kryetarët pasi ende nuk ka lexuar vendimin e Gjykatës Kushtetuese, dhe se për të maxhoranca nuk njeh dekretet e Presidentit.

Po ashtu kreu i shtetit tha se Kuvendi mund të dalë me një rezulutë e të mbahen zgjedhje në bashkitë ku ligji dogji kryetarët e PS-së.

”Dekretet e Presidentit nuk janë atakuar nga asnjë Gjykatë, këtë e thotë qartë raporti i OSBE/ODHIR për zgjedhjet vendore. Për zgjedhjet në 6 Bashki, Presidenti nuk ka pas asnjë kërkese zyrtare, për zhvillimin zgjedhjeve vendore”.