Meta mbyll fushatën në Korçë: Shqiptarët mezi presin 14 majin për të rrëzuar sistemin monist

Kryetari i Partisë së Lirisë, Ilir Meta ka mbyllur fushatën në Korçë së bashku me kryetarin e Komisionit të Rithemelimit në PD, Sali Berisha dhe kandidaten e koalicionit “Bashkë Fitojmë”, Ledina Alolli. Në fjalën e tij, Meta theksoi se Rama është i tmerruar nga zgjedhjet që po vijnë.

“Ai që në 4 vjet uzurpoi në mënyrën më të pabesë, më antikushtetuese të gjitha bashkitë e Shqipërisë dhe të gjithë këshillat bashkiakë si ndoshta në asnjë vend të prapambetur të Afrikës, një orë më parë bënte thirrje nga Kavaja demokratëve që ditën e dielë të flinin gjumë”, u shpreh Meta.

“Demokratët dhe shqiptarët kanë 4 vjet që mezi e presin këtë ditë për të rrëzuar këtë sistem monist të korruptuar që po falimenton të gjithë Shqipërinë”, tha Meta.