Meta takim me strukturat në Elbasan: Luçiano Boçi është kryebashkiaku i ardhshëm i qytetit

Kreu i partisë së Lirisë, Ilir Meta po zhvillon një takim me strukturat në Elbasan, ku i pranishëm është edhe Luçiano Boçi, kandidati i PD-së së Berishës për kryetar bashkie në këtë qytet. Meta tha se fitorja e Boçit do të jetë e padiskutueshme, duke e konsideruar atë kryebashkiakun e ardhshëm.

“Boçi është kryebashkiak i padiskutueshëm i Elbasanit dhe jo thjesht një kandidat por një super kandidat. Edhe profesor edhe sportist i talentuar. Edhe i mençur edhe kurajoz. Ndaj të mos i dëgjojmë ato ide që duan të përhapin rilindasit. Ata që kujtojnë se Elbasanin do e mbajnë të nënshtruar mes krimit, korrupsionit, intimidimit e kanë shumë gabim’‘,-tha Meta.

Nga ana tjetër, kreu i Partisë së Lirisë tha se në qytetin e Elbasanit, mbizotërojnë bandat kriminale, ndërsa shtoi se me vjedhjet që janë bërë me akset që duhet të ndërtoheshin, do të bëheshin rrugë deri në Angli.