Meta: Të bëhet 1200 KW në muaj fasha e energjisë! Qytetarët, kujdes nga pantronazhistët e OSHEE

Kreu i Partisë së Lirisë, Ilir Meta ka hedhur akuzua për qeverinë “Rama 3”, duke thënë se ka dështuar në menaxhimin e energjisë elektrike dhe të ujësjellës kanalizimeve. Ish-presidenti tha se qeveria dështimet e saj po kërkon t’ia kalojë qytetarëve, duke i mbifaturuar ata.

Meta tha më tej se i bashkohet thirrjes së Konfindustrisë për të rishikuar fashën e energjisë, dhe ajo të jetë në 1200 KW në muaj.

“Kjo është një kosto që qeveria në mënyrë hipokrite do t’ua kalojë qytetarëve të thjeshtë dhe të pambrojtur. I bashkohemi thirrjes së Konfindustrias që të rishikohet fasha e mbrojtjes nga 800 KW në muaj, të behet në 1200 KW në muaj. Qytetarët të kenë kujdes nga patronazhistët e OSHEE-së për të shmangur tentativat për t’i mbifaturuar”, tha Meta.