MIE pezullon shqyrtimin e aplikimeve për parqe fotovoltaike – Ja arsyeja

Ministria e Infrastrukturës dhe Energjisë ka vendosur të pezullojë shqyrtimet e aplikimeve për ndërtimin e kapaciteteve të reja prodhuese të energjisë elektrike fotovoltaike deri në 2MW.

Sipas njoftimit zyrtar të MIE, kërkesa për ndërtimin e impianteve fotovoltaike tejkalon kapacitetet gjeneruese të parashikuara në Planin Kombëtar të Veprimit për Burimet e Rinovueshme të Energjisë.

Në këtë kuadër, ministria evidenton si të domosdoshme rishikimin e kuadrit ligjor i cili rregullon procedurat e dhënies së miratimeve për ndërtimin e këtyre centraleve fotovoltaike.

Pezullimi i shqyrtimit të aplikimeve do të vijojë deri në hartimin dhe miratimin e kuadrit ligjor të rishikuar.