“Mihal Terminatori”, “I kishte rënë vapa në kokë”. Titujt epikë të mediave botërore për gjestin e Kokëdhimës

Videoja virale e Mihal Kokëdhimës mbi xhamin e makinës në ecje të guiderëve shqiptarë dhe turistëve spanjollë është përhapur me shpejtësi në Europë.

Edhe tabloidi britanik “The Sun” nuk ka munguar pa i dhënë një panoramë ngjarjes së shëmtuar që ndodhi në Porto Palermo pak ditë më parë.

“Terminatori”, e ka quajtur “The Sun” Mihalin, për të cilin jep përshkrimin dhe motivin e ngjarjes që i shokoi të gjithë.

Ndërsa media online italiane “interris.it” e ka nisur shkrimin me fjalinë: Kjo verë e nxehtë evropiane duhet t’i ketë rënë në kokë më shumë se një personi.

E gjithë ngjarja ishte një episod i shëmtuar dhe degradim i imazhit të turizmit në Shqipëri.