Mimi me beretë, Braçe paralajmëron një bilanc

Disa ditë pasi publikoi në Instagram një foto ku tregonte se ish-ministrja Mimi Kodheli e kishte marrë në makinë, deputeti socialist, Erion Braçe, sjell një tjetër foto.

Kësaj here, Braçe njofton mbylljen e sesionit paralamentar për vitin 2018. Braçe thotë se bashkë me deputeten Mimi Kodheli, kanë për të mbyllur një bilanc, të cilin shumë shpejt do e ndajnë me publikun .

“Sesioni u mbyll. Gëzuar festat nga Mimi dhe unë! Kemi një bilanc për të bërë, do e ndajmë me ju”, shkruan Braçe krahas fotos.

Ende nuk dihet se çfarë po kurdisin dy socialistët, që kohët e fundit, po shihen gjithnjë e më shumë në shoqërinë e njëri-tjetrit, por bilanci që të dy po përgatisin mund të lidhet me Asamblenë Kombëtare të Partisë Socialiste që do të mblidhet më 24 dhe 28 dhjetor.