Ministrat e Jashtëm të BE takim me Ramën, Maio: Negociatat, hezitimi nga reformat

Ministrat e Jashtëm të shteteve të BE-së, kanë diskutuar me Kryeministrin Edi Rama gjatë një mëngjesi pune në Bruksel. Ky takim është iniciuar nga ministri i Jashtëm i Italisë, Luigi Di Maio, i cili tha se refuzimi i shteteve anëtare për të të hapur negociatat lidhet me reformat në vendet e Ballkanit. ”Hapja e negociatave shënon fillimin dhe jo përfundimin e rrugëtimit europain. Unë vizitiva Shkupin, Beogradin dhe Prishtinën për rinovimin e konsensusit për zgjerimin sepse e ardhmja e Ballkanit Perendimor është në BE. Ne të gjithë jemi të vetëdijshëm se çfarë është në lojë: Integrimi i BP është çështje gjeopolitike dhe ndikon për paqen në Europë. Sa i përket negociatave, hezitimimi ka të bëjë me qendrimet reformatore në rajon”.