Ministri Hasani: Hapja e tetë kapitujve sot, reflekton progresin e bazuar në meritë të Shqipërisë

Ministri për Evropën dhe Punët e Jashtme, Igli Hasani informon se sot në Bruksel u mbajt Konferenca e 5-të Ndërqeveritare, ku është hedhur një gurthemel i ri me hapjen zyrtare të grup-kapitullit 3, “Konkurrueshmëria dhe Rritja Gjithëpërfshirëse”. Hasani thekson edhe se Shqipëria qëndron përkrah BE-së dhe BE-ja qëndron përkrah vendin tonë. ”Hapja e 8 kapitujve të rinj sot reflekton progresin e bazuar në meritë të Shqipërisë dhe është një tregues i qartë se sa shumë kemi arritur brenda një kohe shumë të shkurtër. Rrugëtimi ynë drejt BE-së nuk ka qenë ndonjëherë kaq i qartë apo më i vendosur”, pohoi Hasani në një postim në rrjetet sociale.