Ministri i jashtëm rus: Lufta e Tretë Botërore me armë bërthamore do të ishte shkatërruese

Ministri i Jashtëm rus, Sergei Lavrov, tha këtë të mërkurë se nëse do të ndodhte një Luftë e tretë Botërore, ajo do të përfshinte armë bërthamore dhe do të ishte shkatërruese për njerëzimin, njofton agjencia e lajmeve RIA.

Lavrov deklaroi gjithashtu se Rusia e nisi atë që e quan një “operacion special ushtarak kundër Ukrainës” javën e kaluar, pasi do të përballej me një “rrezik real” nëse Kievi do të dispononte armë bërthamore.