Ministri i Mbrojtjes: Forcat Speciale, stërvitje të përbashkët me trupat amerikane

Forcat Speciale shqiptare vijojnë traditën e stërvitjes “Joint Combined Exchange Training”, me  trupat e Komandës Amerikane të Operacioneve Speciale në Evropë.

Ministri i Mbrojtjes, Pirro Vengu publikoi sot në rrjetet sociale momente nga kjo stërvitje e përbashkët.

“Operatorët specialë të të dy vendeve po punojnë vazhdimisht mbi detajet e ndërveprimit në operacionet e përbashkëta, kryesisht në goditje objekti dhe teknikat e luftimit në zonat e banuara”, thotë Vëngu.

Në stërvitjen e koduar “Joint Combined Exchange Training”, trupat elitarë shqiptarë e amerikanë, vepruan si një njësi e vetme gjatë luftimit në qendrat e banuara dhe goditjes së objektit.