Ministri Mazniku në Belsh: Nga një vend i harruar dikur, sot në një atraksion fantastik turistik e investimesh

Arbjan Mazniku, Ministër Shteti për Pushtetin Vendor, në kuadër të turit të dialogut vendor mes qeverisë dhe 61 bashkive të vendit, këtë të mërkurë është ndalur në Belsh. Ai ka falënderuar kryetarin e Bashkisë, Arif Tafani për punën e shkëlqyer në arritjen e këtij transformimi dhe punën e palodhur e plot përkushtim ndaj qytetarëve të Belshit.

Postimi i plotë nga Arbjan Mazniku, Ministër Shteti për Pushtetin Vendor

Në Belshin e rilindur, në vazhdën e takimeve për Turin e Dialogut Vendor, mes Qeverisë Qendrore dhe 61 bashkive të vendit. Belshi është transformuar rrënjësisht nga një vend i harruar dikur, sot në një atraksion fantastik turistik e investimesh.

Falenderoj Arif Tafani për punën e shkëlqyer në arritjen e këtij transformimi dhe punën e palodhur e plot përkushtim ndaj qytetarëve të Belshit.

Së bashku do adresojmë në vijim sfidat për arritje të mëtejshme pozitive duke vendosur një fokus të veçantë tek agroturizmi, zhvillimi rural, arsimi profesional e padyshim në rritjen e kapaciteteve të ofrimit të shërbimeve e thithjes së investimeve.