Ministria e Brendshme: Edhe nesër do ofrohet shërbim për pasaportat

Zyrat që shpërndajnë pasaporta do të jenë të hapura edhe ditën e shtunë, më 15 gusht.

Kjo u bë me dije sot nga Ministria e Brendshme pas radhëve të gjata të krijuara së fundmi nga qytetarët për përfitimin e tyre.

Sipas Ministrisë së Punëve të Brendshme,  zyrat do të jenë të hapura nga ora 09:00 e mëngjesit derisa të mos ketë më qytetarë në sportel.

“Ky vendim merret për t’i ardhur në ndihmë procesit të pajisjes me dokumenta, që është shoqëruar me fluks qytetarësh ditët e fundit për shkak të ardhjes së emigrantëve që rinovojnë dokumentat”- thuhet në njoftimin e këtij dikasteri.