Ministrja Denaj flet për pensionin social që do t’i jepet familjes së Klodian Rashës

Përgjatë seancës së sotme në Kuvend, ministrja e Financave dhe Ekonomisë, Anila Denaj foli mbi Aktin Normativ, sipas të cilit i akordohet një pension social tetëfish më i lartë, familjes së Klodian Rashës, 25-vjeçarit që u vra nga një efektiv i “Shqiponjave”.

“Ky Akt Normativ ka si synim për t’i ardhur në ndihmë familjes në një situatë të vështirë. Qeveria ka propozuar që të krijohet mundësia ligjore për të trajtuar financiarisht familjen e personit që ka humbur jetën. Sigurisht bashkohemi me dhimbjen e familjes dhe këtë kryeministri Rama dhe gjithë qeveria e kanë shprehur që ditën e parë e ne vijim”, tha ministrja.

Po kështu u bë me dije se akti në fjalë mund të përdoret, në rast se precedentë të tjerë tragjikë do të përsëriten.