Miratohen komisionet e reja të Këshillit Bashkiak të Tiranës, ja përbërja e tyre

Aktualitet E Enjte, 30 Shtator 2021 09:56

Këshilli i ri Bashkiak i Tiranës ka nisur të funksionojë në mënyrë të plotë. Kjo jo vetëm në aspektin e marrjes së vendimeve në funksion të qytetarëve, por edhe në ngritjen e të gjitha strukturave të brendshme të tij. Kështu, në mbledhje e djeshme të Këshillit Bashkiak të Tiranës u miratua dhe vendimi për ngritjen e komisioneve të përhershme dhe përbërjen e tyre. Sipas këtij vendimi në total pranë Këshillit Bashkiak të Tiranës do të funksionojnë 14 komisione të përhershme që do të mbulojnë të gjitha fushat e përgjegjësisë, duke filluar që nga Komisioni i Çështjeve Ligjore dhe Drejtësisë Sociale, Komisioni i Financës dhe Buxhetit, Komisioni i Kulturës dhe i Turizmit, Komisioni për Sigurinë Publike dhe Emergjencave Civile apo edhe Komisioni i Veprimtarisë prodhuese dhe Sipërmarrjes. Një risi në strukturën e komisioneve të përhershme për këtë mandat është edhe krijimi i një komisioni të përhershëm për teknologjinë dhe inovacionin, duke qene se Tirana eshte bere promotore e nismave smart city. Nje rendesi e veçante i eshte dhene edhe zhvillimit rural, qe do te kete nje komision me vete ne keshill. Komisionet e përhershme të këshillit përbëhen nga jo më pak se 5 anëtar, por jo më shumë se 9 anëtar. Ndërkohë që me kërkesë të kryetarit të komisionit të përhershëm mund të ngrihen nënkomisione për çështje ose detyra të caktuara, që lidhen me veprimtarinë e komisionit.

Komisionet e miratuara dhe përbërja e tyre