Mirëmëngjesi nga Rama: Punimet për fazën e dytë të Lungomares nisin në shtator

”Në shtator do të nisin punimet për fazën e dytë të projektit të Lungomares në Vlorë”. Ky është lajmi që Kryeministri Edi Rama ka përzgjedhur për ti uruar ndjekësve të tij në facebook, një ditë të mbarë. Rama thotë se shëtitorja do të shtrihet deri tek Tuneli i Ujit të Ftohtë, duke krijuar një tjetër hapësirë urbane fantastike buzë detit. Ky projekt është ndër më të rëndësishmit të qeverisë, ku synohet transformimi i vijës bregdetare të qytetit të Vlorës.