Mjeku Dritan Kalo merr dozën e tretë të vaksinës anti-covid: Mos hezitoni

Mjeku Tritan Kalo sot ka marrë dozën e tretë të vaksinës anti-covid. Kalo i bën apel qytetarëve, ku thotë se duhet të ndërgjegjësohen dhe të përdorin çdo mjet për tu mbrojtur nga Covid-19.

Mjeku i njohur thekson se vetëndërgjegjësimi mbetet thelbi i ruajtjes së shëndetit të çdo individi dhe vetë shoqërisë në çdo kohë e rrethanë. Po ashtu ai shton se askush nuk duhet të hezitojë të marrë vaksinën duke ironizuar ata që bëjnë thirrje kundër saj.

Sot nisi vaksinimi me dozën e tretë për kategorinë e mjekëve. Procesin e vaksinimit në ”Air Albania” e ndoqi nga afër ministrja e Shëndetësisë, Ogerta Manastriliu. Drejtoresha e ISHP-së, Albana Fico dhe Rektori i Universitetit të Mjekësisë, Prof. Arben Gjata u bënë thirrje qytetarëve që të vaksinohen.