Mjeku sfidon qeverinë: Bëni një ditë 2000 teste dhe më pas …

Mjeku Petrit Vargu thotë se nuk i besoj shifrave të publikuara nga qeveria për koronavirusin. Në një lidhje me skype për emisionin “Arena” nga Dritan Hila, Vargu ngriti shqetësimin e numrit të testeve.

Petrit Vargu: Me këtë numër testesh nuk do ta dimë kur do të jemi në pikë. Me këtë numër testesh ne shumë gjera na shkojnë pa u kuptuar. Jemi e vetmja hartë në botë që pjesën perëndimore e kemi me covid, ndërsa pjesën lindore e kemi pothuajse të pastër, sipas të dhënave që na jepen. Unë nuk besoj në këto të dhëna, unë mendoj që këtu problemi është tek metodika e testimit që bëjnë, e cila duhet të përmirësohet.

Vargu kishte rezerva edhe për komitetin e ekspertëve.

Petrit Vargu: Ka edhe shumë kolegë shumë të mirë të cilët janë lënë jashtë komitetit të ekspertëve dhe kjo më bën të dyshoj se këtu lajmet mbahen të hermetizuara.