Moti i keq bllokon 50 turistë në Sazan, mes tyre edhe gazetarë

Rreth 50 turistë të huaj dhe shqiptarë u bllokuan në ishullin e Sazanit, ndërsa në ndihmë i ka ardhur anija e Flotës Detare të klasit “Iliria”.

Sipas ministrisë së Mbrojtjes mes trusitëve ishin edhe disa korrespondentë të agjencive të huaja të lajmeve.

“Pas udhëtimit drejt Sazanit me anijë të vogël turistike turistët u bllokuan në ishull. Gazetarët kërkuan ndihmë pranë Forcës së Armatosur pasi dallgët e larta penguan lëvizjen e tyre për disa orë”, thotë ministria në njoftimin zyrtar.