Ditë me diell, parashikimi i motit për ditën e sotme

Shqipëria do të ketë sot mot kryesisht të kthjellët, por nuk do të mungojnë vranësirat kalimtare, veçanërisht në zonat veriore dhe qendrore.

Në Tiranë, pas vranësirave dhe mundësisë për reshje të izoluara gjatë mëngjesit, moti do të përmirësohet. Temperaturat pritet të arrijnë deri në 30 gradë Celsius.

Në Shkodër do të mbizotërojnë kthjellimet dhe vranësirat e herëpashershme, me temperaturë maksimale rreth 29 gradë. Në Vlorë parashikohet mot me diell gjatë pjesës më të madhe të ditës. Temperaturat do të lëvizin nga 19 gradë në mëngjes deri në 29 gradë Celsius në mesditë.

Në Korçë mëngjesi do të jetë më i freskët, me temperatura rreth 11 gradë, ndërsa gjatë ditës termometri pritet të shënojë deri në 25 gradë Celsius.

Era do të jetë përgjithësisht e lehtë deri mesatare. Në mbrëmje pritet ulje e temperaturave dhe shtim gradual i vranësirave në disa zona të vendit.