”Mund ta gjeni veten në faqet er*tike”, Karamuço për hakerimin e numrave: Marrin identitetin tuaj dhe…
Denoncime të pafundme janë bërë gjatë ditëve të fundit në polici, nga qytetarë që kanë marrë mesazhe të çuditshme në numrin e tyre celular. Eksperti i kriminalistikës, Ervin Karamuço shpjegon sesi pasojë e hakërrimit të numrave telefonikë, vidhet identiteti i qytetarëve dhe mund të përdoret në grupe erotikë.
“Ka disa denoncime gjatë ditëve të fundit, për numra e telefonit që janë marrë më parë dhe tani janë krijuar grupe, duke i shpallur këto numra telefoni sikur ofrojnë shërbime erotike. Këta qytetarë kanë marrë shumë thirrje telefonike nga këto numra, që kryesisht janë në aplikacionin Telegram, ku i bëjnë thirrje dhe i thonë si je… pra, futen në kontakt për të krijuar mundësinë si mund të takohemi etj. Ndërkohë, qytetarët nuk dinë fare se për çfarë bëhet fjalë. Vetëm kur dikush i thotë që numrin tënd të telefonit e kam parë në x faqe, atëherë vihet në alarm. Kanë filluar denoncimet e para në Policinë e Shtetit. Është e vështirë për t’u zbuluar, për shkak se administratorët janë anonim”,-tha i ftuar në “Top Talk”.
Po ashtu ai thotë se kur identiteti i qytetarit shpërndahen në këto faqe apo grupe të paligjshme, qytetarëve u vijnë mesazhe në celular, nga personi që kërkojnë “shërbim”.
“Madje, kanë marrë edhe imazhin tënd në WhatsApp ose Telegram, e bëjnë si poster të vogël, vendosin numrin tënd të telefonit dhe shërbimet që ti ofron. Pra, të dhënat e identitetit tënd i marrin dhe i ofrojnë në botën virtuale, që ty pastaj të të drejtohen të gjithë ‘njerëzit grabitqarë’ dhe të të kërkojnë favore seksuale”, shpjegoi Karamuço.
