Mungoi fizikisht në protestë, reagon Meta: Madhështore, qytetarët rikthyen sot shpresën dhe nisën betejën pa kthim

Kreu i Partisë së Lirisë, Ilir Meta mungoi në protestë fizikisht, pasi ndodhet në Egjipt në një konferencë. Në një postim në Facebook, ai shprehet se sot ishte një protestë madhështore.

“Protesta madhështore e qindra mijëra qytetarëve të lirë kundër narkoshtetit ishte një manifestim i jashtëzakonshëm demokracie në mbrojtje te pluralizmit, të lirive, të drejtave dhe dinjitetit njerëzor!

Nën udhëheqjen e opozitës së vërtetë dhe të bashkuar, qytetarët rikthyen sot shpresën dhe nisën një betejë pa kthim për shpëtimin e Shqipërisë”.