Muzeu në Kryeministri, 1300 vizitorë vetëm 5 ditë pas hapjes
Vetëm pesë ditë pas hapjes, muzeu në Kryeministri ka tërhequr vëmendjen e qytetarëve vendas, por edhe turistëve të huaj. 1300 është numri i vizitorëve deri ditën e hënë dhe për drejtuesen e projektit Falma Fshazi, interesi ka ardhur nga grupmosha të ndryshme.
Interesi i qytetarëve vendas por edhe të huaj ka qënë i lartë sidomos të shtunën.
Pas vizitës, qytetarët shkruajne mbresat në një libër të veçantë dhe dedikimi i parë vjen nga kancelarja gjermane, Angela Merkel.
“Kjo tregon formën e duhur drejt formës më të lartë të demokracisë direkte”.
“Demokracia është qeverisja e popullit për popullin nga populli”.
“Kur bien muret popull-qeveri ngrihen muret e demokracisë”.
“Nuk dua të them asnjë përshtypje pozitive: dua vetëm të them se na krijuat shpresë”.
Muzeu ne hollin e Kryeministrisë do të qëndrojë hapur deri në fund të muajit korrik, ndërsa në gusht do të mbyllet për t'u rhapur në shtator.