Naftëtarët e Ballshit: Na jepni pagat, ose lamë Jugun pa drita!

Punëtorët e Kombinatit të Përpunimit të Thellë të Naftës në Ballsh e kanë nisur edhe këtë muaj me protesta, në kërkim të pagave të tyre.

Protestës së mëngjesit të sotëm iu bashkuan rreth 500 punëtorë të cilët nuk kanë marrë rrogat prej 10 muajsh.

Protestuesit kanë tentuar të hyjnë në sallën e Komandës së TEC-it për të stakuar energjinë elektrike, por nuk janë lejuar nga policia.

Sekretari i Sindikatës së përpunuesve të naftës, Gjergji Selmani, tha  se protesta është dhe një thirrje për qeverinë që të rivendosë në punë kompaninë ARMO.

“Do rrimë të gjithë këtu te porta dhe do të shkojmë në TEC-e të bllokojmë Nen/Stacionin elektrik që furnizon me energji të gjithë jugun si dhe stacionin e ujit të pijshëm në Poçëm”, u shpreh i revoltuar ai.