Ndahet nga jeta ish-kryeministri dhe deputeti Bashkim Fino në moshën 58-vjeçare

Bashkim Fino, ish-kryeministër dhe deputet i PS është ndarë nga jeta në moshën 58-vjeçare. Ai luftoi me vdekjen me Covid-19 prej disa javësh, por nuk ia doli.

Fino ka qenë kryeministër nga 9 mars 1997 deri me 29 qershor 1997. Që prej këtij viti ishte edhe deputet.

Bashkim Fino lindi më 12 tetor 1962 në Gjirokastër. Ishte Kryeministër i Shqipërisë prej 9 mars 1997 deri më 29 qershor 1997. Kreu studimet e larta në Universitetin e Tiranës, Fakulteti Ekonomik, dega Financë. Në vitin 1992, Z. Fino u zgjodh Kryetar i Bashkisë Gjirokastër, post të cilin e mbajti deri në vitin 1996.

Karriera e tij politike në Partinë Socialiste është e hershme. Prej vitit 1997 e në vazhdim ishte anëtar i Kryesisë së Partisë Socialiste. Kulmi i karrierës së tij do të shënohej në vitin 1997, ku do të zgjidhej Kryeministër i vendit në qeverinë e Pajtimit Kombëtar, post që do ta mbante nga muaji mars deri në korrik. Z. Fino ka mbajtur disa poste ministrore.

Nga viti 1997 deri në 1998 ushtroi detyrën e Ministrit të Pushtetit Lokal, njëkohësisht dhe Zv/kryeministër. Në 1999 deri në vitin 2001 do të ishte ministër i pushtetit lokal. Gjatë viteve 2001-2002 ka qenë Ministër i Punëve Publike dhe Turizmit.

Lexoni edhe…

• Presidenti Meta: Fino ishte shumë njerëzor, shumë bujar, shumë zemërgjerë, tolerant dhe dinte të dallonte marrëdhëniet politike nga raportet njerëzore
• Institucioni i Presidencës ul flamurin në gjysmë shtize në nderim të ish-kryeministrit Bashkim Fino
• Rama flet për Finon: Kishte bërë një operacion, kemi ardhur për të ikur nga kjo botë
• Balla përlotet “live” në TV teksa merr lajmin për ndarjen nga jeta të Bashkim Finos
• Ditë zie për Bashkim Finon, anulohet takimi i Bashës në Fier
• Mimi Kodheli kujton periudhën e Fakultetit me Bashkim Finon: Jam e sigurt që do takohemi sërish
• Alfred Peza: Politikani që i çarmatosi shqiptarët me buzëqeshje!
• Saimir Tahiri kryen homazhe në nder të Bashkim Finos
• Ambasada e SHBA mesazh për Finon: Do të kujtohet për udhëheqjen e qeverisë së pajtimit kombëtar
• Flamur Noka mesazh për Bashkim Finon: Humbje që na ka tronditur të gjithëve