Ndahet nga jeta ish-Sekretari amerikan i Mbrojtjes. Basha:Do kujtohet përherë si një mik i madh i shqiptarëve

Kryetari i PD Lulzim Basha ka shprehur me një mesazh keqardhjen për ndarjen nga jeta të ish-sekretarit amerikan të Mbrojtjes Donald Rumsfeld. Basha shkruan se ai ishte përfaqësues i një plejade të artë vendimmarrësish që e bënë botën më të sigurt.

“Me trishtim mësova ndarjen nga jeta të ish-Sekretarit Amerikan të Mbrojtjes, Donald Rumsfeld, përfaqësues i një plejade të artë vendimmarrësish që e bënë botën më të sigurt, më të lirë dhe demokratike. Sekretari Rumsfeld do të përkujtohet dhe nderohet përherë si një mik i madh i Shqipërisë dhe i shqiptarëve, kontributi i të cilit ka qenë i paçmueshëm për anëtarësimin e vendit tonë në NATO.
Mirënjohje dhe nderim të thellë për këtë kampion të lirisë dhe ngushëllimet më të ndjera familjes, miqve e bashkëpunëtorëve të tij dhe popullit amerikan!
U prehtë në paqe!”, shkruan kreu i PD.