Ndau gruan 48 orë pas martesës: Nuk ishte e virgjër. Familjarët e ish-nuses: “Merre prapë ose do të vrasim”. Ngujohet 36-vjeçari

Tabutë e krijuara në shekuj e vështirë është të kalohen. Ndoshta për shumicën e shqiptarëve tingëllon çuditshëm po të dëgjojë për “Një plumb në pajën e vajzës”, apo për “çarçafë që vareshin në oborr” që të shihte gjithë lagjia se nusja e kësaj derë ishte e virgjër. Pikërisht tabuja e virgjërisë, duket se është ende prezente në Shqipëri. Historia e një 36-vjeçari nga Burreli, që la bashkëshorten 48 orë pas martese, pasi pretendon që nuk e ka gjetur të virgjër, u tregua sot nga vetë ai në studion e ‘Emisionit me Zemër të Hapur”.

Avni Allmeti, që jeton në Durrës tha se ishte një njeri familjar që i pëlqenin zakonet dhe traditat e pikërisht për këtë vendosi të martohej me mblesëri. Ai pretendon të jetë gënjyer nga bashkëshortja për virgjërinë dhe prandaj e ka kthyer atë në shtëpinë e prindërve.

Kthimi, cënimi i nderit të nusjes ka shkaktuar shqetësim tek familja e saj, të cilët e kanë kërcënuar 36-vjeçarin me jetë, e për këtë ai është ngujuar brenda banesës së tij.

Në studion e emisionit me “Zemër të Hapur” Avniu tregoi njohjen me bashkëshëshorten, po ashtu edhe se kishte pasur shumë femra të tjera para saj, gjë që e bënte ekspert në njohjen e tyre./News 24/