Ndërron jetë “bilbili” i muzikës popullore shkodrane

Shyqyri Alushi “bilbili” i muzikës popullore shkodrane dhe artisti i merituar ka ndërruar jetë mbrëmjen e djeshme në moshën 84 vjeçare.

Prej ditësh ishte i shtruar në spital, ku merrte dhe trajtim për shkak se vuante nga ishemija dhe vetëm mbrëmjen e djeshme kanë qenë familjarët ata që kanë bërë publik lajmin e hidhur.

Familjarët prej kohësh janë shprehur se po i blinin medikamentet me lekët e tyre sepse pensioni i tij prej 170 mijë lekësh të vjetra nuk mund ta përballonte.

Djali i ikonës së shquar për kontributin e dhënë në fushën e artit ishte shprehur se:

Të lihet Shyqyri Alushi me këtë pension është turp.”
Shyqyri Alushi ka pasur një karrierë mjaft të pasur muzikore. Ai ka marrë pjesë në të gjitha festivalet dhe koncertet e organizuara në Shkodër si dhe në të gjitha përfaqësimet e folklorit muzikor shkodran në festivalet folklorike kombëtare dhe në Kosovë.