Ndërron jetë xhaxhai i Alda Klosit, hetimet ende vijojnë

Në një kohë që hetimet vijojnë në Tiranë, një lajm i trishtë mbërrin nga Shtetet e Bashkuara të Amerikës. Ndërron jetë pas përballjes me një sëmundje të rëndë xhaxhai i Alda Klosit, Ylli Çika.

Klosi ka pretenduar para hetuesve se paratë ishin të xhaxhait për mobilimin e shtëpisë apo dhe për t’i ruajtur ato. A2 CNN shkruan se familja e Ylli Çikës ish-kirurg dentar, nuk ka pasur dijeni lidhur me deklarimet e Alda Klosit, ndërsa kanë mohuar përfshirjen e tyre në këtë histori.

Pas njoftimit të policisë nga vajza e saj se shtëpia ishte vjedhur, Alda Klosi tha në polici se kishin marrë 120 mijë euro dhe disa sende me vlerë.

Mirëpo Policia gjeti në shtëpinë e familjes së pastrueses Rozeta Dobi, edhe 400 mijë euro të tjera, që ishin të fshehura në tubin e aspirimit. Vetë Dobi tha se paratë i kishte marrë në shtëpinë e Klosit, ndërsa saga e pronësisë së 400 mijë eurove vijon të mbetet mister.