Ndjekje policeske makinës së vjedhur nga Tirana drejt Bulqizës

Policia është vënë në ndjekje të një makine të vjedhur, e cila nga Tirana po lëvizte drejt Bulqizës. Ngjarja është regjistruar rreth orës 07:42 minuta të së shtunës (23 qershor), kur policia kishte marrë informacionin dhe kishte ngritur një pikë kontrolli në Qafën e Buallit me qëllim ndaljen e këtij automjeti

“Në momentin që është afruar makina tip Benz me targa AA 186 EE, nga shërbimet e policisë i është bërë shenjë ndalimi, por automjeti është larguar me shpejtësi, duke rrezikur edhe jetën e punonjësve të policisë. Ndodhur në këto kushte, Policia ka qëlluar në ajër me qëllim që automjeti të ndalej”- informoi policia e Dibrës.

Shërbimet e policisë kanë vijuar ndjekjen e automjetit ku në hyrje të qytetit të Bulqizës, dy persona ende të paidentifikuar kanë braktisur automjetin duke u larguar me shpejtësi në këmbë.

Policia e Bulqizës vijon krehjen e zonës për identifikimin dhe kapjen e personave si dhe vijojnë hetimet për sqarimin dhe dokumentimin e plotë të kësaj ngjarje.

Njoftimi i policise 

“Me datë 23.06.2018, rreth orës 07.42, policia e Dibrës, ka marrë  informacion se në Tiranë  një automjet është vjedhur dhe po lëviz në  drejtim të Bulqizës.

 Menjëherë është organizuar puna ku shërbime të policisë  kanë ngritur  një pikë kontrolli në Qafën e Buallit me qëllim ndaljen e  këtij  automjeti.

 Në momentin që është afruar makina tip Benz me targa AA 186 EE,  nga  shërbimet e policisë i është bërë shenjë ndalimi, por automjeti është  larguar me shpejtësi duke rrezikur edhe jetën e punonjësve të policisë.

 Ndodhur në këto kushte Policia ka qëlluar  në ajër me qëllim që  automjeti të ndalej.

 Shërbimet e policisë kanë vijuar ndjekjen e automjetit ku në hyrje të  qytetit të Bulqizës, dy persona ende të paidentifikuar kanë braktisur  automjetin duke u  larguar me shpejtësi në këmbë.

 Policia e Bulqizës vijon krehjen e zonës për identifikimin dhe kapjen e  personave si dhe vijojnë hetimet për  sqarimin dhe dokumentimin e plotë  të kësaj ngjarje.”