Ndodhi dhe kjo/ Rama “heq dorë” nga vaksinat, dozat e radhës priten në Rinas vetëm nga ministrat

Kanë mbërritur në aeroportin e Rinasit 9360 dozat e tjera të vaksinës anti-Covid, prodhuar nga kompania amerikane “Pfizer”.

Për të pritur dozat kanë dalë ministrat Ogerta Manastirliu dhe Arben Ahmetaj, por çuditërisht mungon kryeministri Edi Rama, i pranishëm në çdo mbërritje vaksinash në vendin tonë.

Dozat në fjalë vijnë pak ditë pasi Shqipëria pranoi mbi 38 mijë doza të “AstraZeneca”, të pezulluara në shumë vende të Bashkimit Europian dhe që kanë shkaktuar frikë edhe te popullata në Shqipëri.