Ndryshime në qeveri, vendimin Rama e mori sot në mbledhje

Edhe pse opozita kërkon rrëzimin e qeverisë, dorëheqje nga në nivelin e zv/ministrave. Albana Tole lirohet nga detyra si zv/ministre në qeverinë ”Rama 3”. Vendimi është marrë sot në mbledhjen e qeverisë. Prej Nëntorit 2021 Tole mban postin e Zëvendësministres së Arsimit dhe Sportit.

Studimet universitare i kreu në Universitetin Katolik “Sacro Cuore” në Milano ku u diplomua në Shkenca Politike dhe Marrëdhënie Ndërkombëtare.

Në vijim të diplomës magjistrale studimet e saj i thelloi më tej me një Master Universitar në Ekonomi dhe Politika Ndërkombëtare pranë Universitetit Italian të Zvicrës, Lugano dhe Shkollës së Lartë të Studimeve Ekonomike dhe Politikave Ndërkombëtare në Milano.

Në vitin 2018 mori titullin Doktor (PhD) në të Drejtë Publike nga Universiteti i Studimeve të Romës, Tor Vergata, Itali.