Pavarësisht nga pamja estetike, filozofia e përmbajtjes mbeti po e njëjta: nxjerrja në plan të parë e analizave të thelluara mbi ngjarjet e politikës apo aktualitetit dhe shprehja e qëndrimeve të forta editoriale, që shpesh mund të jenë polarizuese, por qëllimi i tyre mbetet afrimi sa më pranë të së vërtetës
Pas plot 11 vitesh në tregun mediatik të vendit, Lapsi.al, i lindur në verë-vjeshtën e vitit 2015, po bën sot një ndryshim të ri, kryesisht në formë por edhe në përmbajtje, për ti`u përshtatur më mirë ritmeve të vrullshme të botës virtuale. Ashtu sikurse mund të shihet edhe në fotot e mëposhtme, fillimisht, kjo media online, kishte tituj të mëdhenj, që zinin të gjithë ballinën e kompjuterit, tabletës apo celularit tuaj.
Ky grup gazetarësh në foton poshtë punoi fillimisht me këtë sistem, deri sa në nwntor 2017 faqja iu nënshtrua një ndryshimi të dytë në look. Pavarësisht nga pamja estetike, filozofia e përmbajtjes mbeti po e njëjta: nxjerrja në plan të parë e analizave të thelluara mbi ngjarjet e politikës apo aktualitetit dhe shprehja e qëndrimeve të forta editoriale, që shpesh mund të jenë polarizuese, por qëllimi i tyre mbetet afrimi sa më pranë të së vërtetës.
Me zhvillimin e teknologjisë, media jonë bëri edhe një ndryshim të tretë në pamje (fotot si dukej ballina e Lapsi.al deri dje), përpara se të shndërrohej në formën sikurse të gjithë lexuesit do e shohin nga sot e tutje.
Me këtë format novator, redaksia jonë e ndihmuar prej një partneri të ri dizajni, “Mediadesk”, është përpjekur të ruajë të njëjtat vlera që e kanë lidhur me ne lexuesin tonë besnik duke u përpjekur ti përgjigjet një pjese të kërkesave të tyre për ti dhënë më tepër shikueshmëri lajmit të fundit dhe asaj që ndodh në kohë reale.
Natyrisht, në këtë përpjeke të re për të qenë më atraktiv ndaj ndjekësve të saj, redaksia pret vërejte dhe sugjerime në Lapsi.al@ gmail.com për të qenë sa më pranë pritshmërive të atyre që na kanë përcjellë prej më shumë se një dekade.
LAPSI.AL
Shënim i redaksisë së KOHA JONE: Po e botojmë këtë njoftim të lapsi.al për dy arësye; së pari se dy themeluesit e lapsit, Armand Shkullaku dhe Andi Bushati kanë qenë në gazetën KOHA JONE, dikur. Shkullaku kryeredaktor dhe Bushati shef politike. Dhe së dyti se laspi është ndër kryesorët portale në vend.
