Në burg apo i lirë? Avokati Ndreca për vendimin e së martës: S’ka justifikim ligjor për ta mbajtur në qeli

Nesër do të mbahet seanca gjyqësore për kryebashkiakun Erion Veliaj dhe avokati i tij, Plarent Ndreca thotë se nuk ka asnjë provë kundër, teksa shton se Kushtetuesja po i tërheq vëmendjen Gjykatës së Lartë.

”Ne presim atë çfarë Kushtetuesja ka arsyetuar vendimin e fundit. Presim atë që qartësisht është thënë nga kjo gjykatë, e para ishte mandati i tij, rikonfirmimi si kryetari i bashkisë, dhe i dyti ku u shfuqizua vendimi i saj. Këtë masë ekstreme, masa më ekstreme (dënimi me burg), mandat i dhënë në 2023 nga qytetarët e Tiranës, ajo që presim është lirimi, ose heqja e masës ekstreme.

Në kushte ku ka një vit që ka përfunduar hetimi, ku ka rënë çdo kriter në vendosjen e masave të sigurisë, Veliaj nuk ka asnjë justifikimin ligjor për ta mbajtur në këtë masë sigurimi, është rasti i vetëm në Shqipëri. Gjykata ka detyrimin që të marrë në balancë shqyrtim çdo interes kushtetues, drejtimi i Tiranës është i lidhur me parimet kushtuese.

Ashtu si e thotë Kushtetuesja, ajo që po ashtu i tërheq vëmendjen Gjykatës së Lartë tashmë ju duhet ta vendosni në balancë të drejtën që ka kryetari i bashkisë. Këtë e thotë edhe Komisioni i Venecias. eNuk ka asnjë provë, asnjë dyshim, që Veliaj ka intimiduar. Këto nuk janë hipotetike, e thotë Kushtetuesja. Kjo nuk është kriter për Veliajn, por edhe për çdo qytetar të republikës”, u shpreh Ndreca në ”Top Story”.