Pas shumë ditë shkelje rregullash këtë të enjte ne Tiranë në tregje dhe pika shërbimi rradhët kanë qenë më të gjata, dhe durimi më i fortë. Duke ruajtur distancën dhe pa thyer rregullat konsumatorët kanë vijuar ritualin e përditshëm herët në mëngjes dhe duke u izoluar në shtëpi pas orës 13.
Pas shumë ditësh thyerje të rregullave këtë të enjte në tregje dhe pika të shërbimit gjen rradhë dhe distancë të ruajtur për parandalimin e COVID 19.
Rritja e numrit të të prekurve dhe frika e përhapjes së koronavirusit ka bërë që qytetarët të ndërgjegjësohen dhe të respektojnë distancën mes njëri-tjetrit.
Qytetarët kanë zgjedhur të evitojnë vendet ku ka grumbullime masive.
Shprehen se pagesa e detyrimeve është e domosdoshme ashtu si dhe ruajtja e distancës.
Nuk kanë munguar as rastet kur perimetri është shkelur dhe aty ka ndërhyrë policia.
Për luftën ndaj përhapjes së koronavirusit, disa nga pikat e pagesave nuk u ofrojnë shërbim personave që nuk disponojnë maska dhe doreza.
Gara me kohën për të siguruar produktet e për të bërë pagesat nis prej orës 05.00 të mëngjesit dhe pas orës 13.00 vendi nis ndalim qarkullimin duke ia lënë pushtetin ushtrisë dhe policisë.