Në luftë të dyfishtë! Infermierja Valbona: Kurrë nuk dorëzohem

Ata janë në vijën e parë të luftës ndaj pandemisë së Covid-19 dhe meritojnë më shumë sesa falënderimet tona. Fotografia e infermieres me fytyrë të mavijosur, si pasojë e shtrëngimit të maskës mbrojtëse, e shkaktuar nga orët e stërzgjatura në vijën e parë të luftën ndaj kronavirusit, u bë virale në rrjete sociale.

Në një lidhje me “Skype” në studion e emisionit “Shqipëria Live”, Valbona, e cila veç sfidës ndaj koronavirusit, e pret një tjetër sfidë e madhe kur kthehet në shtëpi. Valbona e ka fytyrën gjithë shenja nga maska por ajo duhet të përballet çdo ditë dhe me një shqetësim tjetër, pasi duhet të lutet që të mos infektojë vajzën e saj të sëmurë në shtëpi kur kthehet nga puna.

”Kur jemi turni i dytë punojmë tetë orë, ndërsa në turnin e tretë 12 orë. Kur vijnë të sëmurët paraqesin temperaturë të lartë, nuk mbajnë ekuilibrin. Tani ndryshon situata, tani na duhet të përballemi me një rrezik që na shpaloset. Ne jemi të veshur me veshjen e posaçme; maska, doreza veshim nga tre palë për të qenë sa më të sigurtë. Asnjëherë nuk dorëzohem pasi kam kaluar shumë beteja me vajzën dhe kjo është beteja më e vogël që unë kam pasur në jetën time. Në punën që ne kemi nuk ka frikë, ka vetëm kujdes. Vajza ka një histori të dhimbshme. Ka lindur me një ezofak të mbyllur, nga gjoksi i djathtë deri në shpatull, nuk jam poshtur. Në momentin që ka lindur me ezofagun e mbyllur dhe në momentin që dëshironte të pinte gji nuk e bënte dot. Menjëherë pas kësaj, vetëm disa orë pas lindjes i është nënshtruar operacionit. Kur unë jam në punë i shërben bashkëshorti, rri bashkëshorti aty teksa ajo ha pasi edhe mund të mbytet. Në luftë nuk ka frikë duhet të kesh vetëm kujdes”.