“Në orën 12:00 të gjithë gati…”, kjo është nisma e veçantë pas duartrokitjeve: Bëjmë muzikë nga shtëpia

Sot është dita e tretë e “shtetrrethimit” në kuadër të masave kundër koronavirusit, ministria e Kulturës ka ndërmarrë një nismë të veçantë për të argëtuar njerëzit të cilët janë mbyllur në shtëpitë e tyre.

Kjo nismë vjen pas nismës së ditës së djeshme ku në orën 17:30 qytetarët dolën duke duartrokitur në ballkon.

Ministra e Kulturës fton të gjithë instrumentistët që të bëjnë muzikë në shtëpitë e tyre ndërsa qytetarët e tjerë të hapin dritaret dhe të dëgjojnë.

“Hapni dritaret

Lëreni muzikën të hyjë në shtëpitë tuaja

Ftojmë të gjithë instrumentistët, të zgjojnë qytetin me tingujt e tyre

Bëjmë muzikë nga shtëpia

Ditën e diel ora 12:00″, shkruhet në njoftimin e Ministrisë së Kulturës.