Në pritje të rezutatit, Shaip Kamberi: Jam shumë optimist

Këtë të premte po zhvillohen zgjedhjet e përsëritura në Tërnoc të komunës së Bujanocit. Shaip Kamberi është kandidati i vetëm shqiptar që garon për tu futur në Parlamentin serb.

Për ”Vizion Plus”, Kamberi thotë ndër të tjera se është shumë optimist për rezultatin që pritet të përfundojë në më pak se një orë.

“Deri në orën 16:00 kemi patur më shumë se 400 votues në qendrën e votimit, kjo do thotë që deri në orën 20:00 kur mbyllet kjo qendër e votimit kemi mjaftueshëm kohë dhe potencial që t’i arrijmë 610 vota, sa më nevojiten për të siguruar një mandat”.