Në vjeshtë mund të kemi mutacione të reja nga Covid-19
Aktualitet E Hënë, 20 Qershor 2022 18:42
Nënvarinati Ba2 i Omicron është dominant në këtë periudhë të verës. Epidemiologu Artan Simaku, thotë se pjesa më e madhe e të prekurve po e kalojnë si grip dhe pozitiv është fakti që prej javësh nuk ka humbje jete. Edhe numri i të shtruarve në spital ka pësuar një rritje të lehtë.
Mbi 130 të infektuar janë konfirmuar 24 orët e fundit, ndërkohë që në fillim të muajit kjo shifër varionte nga 50 deri 65 raste në ditë.
Për ekspertët e Institutit të Shëndetit Publik është një situatë e pritshme për shkak të grumbullimeve, aktiviteteve të ndryshme dhe sezonit turistik.
