Nehat Kulla në Gjykatë, kërkon ulje të dënimit

afrohet edhe një hap më pranë lirisë.

Ndërkaq, gjykatësi Arben Micko është duke shqyrtuar një kërkesë të Nehat Kullës, i cili kërkon amnistimin e veprës penale të “prodhimit dhe mbajtje pa leje të armëve luftarake dhe municionit”, që nëse i pranohet, atëherë pozita e të dënuarit Kulla lehtësohet jo pak, pasi ai prej vitesh ndodhet prapa hekurave.

“Gjenerali” Nehat Kulla u cilësua fajtor dhe dënua gjashtë vite më parë nga gjykata e Kavajës, për akuzën e vrasjes së Halim Gjuzit, shoferi i ish-ministrit të Brendshëm, Halit Shamata. Ngjarja e rëndë ndodhi më 29 korrik të vitit 1998 në Golem të Kavajës, në kohën kur Gjuzi po udhëtonte drejt Durrësit me gruan dhe fëmijët. Dëshmitarët thanë atëkohë se shoferi i ish-zv./ministrit Shamata u qëllua për vdekje nga një person që udhëtonte me një makinë tip “Shevrolet”. Në vitin 2005, Kulla i cili përflitej për lidhje të forta me politikanë të majtë, u vu në pranga si i dyshuar për vrasjen e Gjuzit, mandej më vonë do të shpallej fajtor dhe dënohet me dy dekada burg.