”Nesër dorëzoj formularin në KQZ”, Ori Nebijaj: Do të jetë privilegji më i madh i jetës time

Ori Nebijaj do të jetë deputetja më e re e Kuvendit të Shqipërisë, në anën e PD-së. Përmes një postimi në facebook, ajo ka treguar se ka plotësuar formularin e dekriminalizimit dhe nesër do ta dorëzojë në KQZ.

”Do të jetë privilegji më i madh i jetës time, të përfaqësoj njerëzit që më besuan dhe votuan për të qenë në Parlamentin e Shqipërisë @kqzshqiperi Formulari gati për tu dorëzuar nesër”,-shkruan Nebijaj.

Mandatin si deputete Nebijaj e merr pasi Grida Duma dha dorëheqjen. Kjo e fundit ka nisur një epokë të re, si autore dhe moderatore e ”Top Story” në ”Top Channel”, aty ku edhe Nebijaj drejton emisionin ”Përputhen”.