Nesër, mbledhja e parë e Këshillit të Lartë të Prokurorisë

Ditën e mërkurë, më 19 dhjetor,  ora 11°°, do të thirret mbledhja e parë e hapur e Këshillit të Lartë të Prokurorisë. Mbledhja do të zhvillohet në sallën e ish-Këshillit të Lartë të Drejtësië dhe do të ketë këtë rend dite:

1. Miratimi i rregullave për zgjedhjen e Kryetarit dhe Zëvendëskryetarit të Këshillit të Lartë të Prokurorisë;

2. Zgjedhja e Kryetarit dhe Zëvendëskryetarit të Këshillit të Lartë të Prokurorisë;

3. Miratimi i vendimit deklarues me datën e krijimit të Këshillit;

4. Hedhja e shortit për përcaktimin e antarëeve jo prokurorë, që do të shërbejnë me një mandat 3 -vjeçar

5. Hedhja e shortit për përcaktimin e anëtarëve prokurorë, që vijnë nga prokuroritë pranë gjykatave të shkallës së parë dhe ato të apeleve, që do të shërbejne me një mandat 3 – vjeçar;

6. Mbledhja është e hapur dhe njoftohen të gjithë anëtarët të jenë pjesë e kësaj mbledhjeje.