Nesër zgjidhet Prokurori i Përgjithshëm, reagon Basha

Kreu i PD-së, Lulzim Basha vizitoi një qendër private në zonën e Unazës së re në kryeqytet, ku janë akomoduar disa familje të mbetura pastrehë nga tërmeti i 26 nëntorit. Nga ana tjetër, i pyetur nga gazetarët për zgjedhjen e Prokurorit të Përgjithshëm, i cili votohet nesër në seancë plenare, Basha tha se: ”As jam marrë fare me atë punë dhe nuk më ka shkuar mendja tek ajo punë. Jam kryetari i opozitës dhe po e them këtë gjë, imagjinojeni çfarë mendojnë qytetarët e tjerë. Kjo tregon shumë për prioritetet e vërteta të disa njerëzve. Kaq mund të them tani për momentin”.