Nga shfuqizimi i bordit të karburanteve tek amnistia për lekët, ministrja: Do ligjërohen bastet sportive

Ministrja e Financave, Delina Ibrahimaj teksa flet për amnistinë fiskale, thotë se drafti është rishikuar duke marë parasysh ankesat e ndërkombëtare dhe të grupeve të interesit. Ministrja e financave bëri me dije se ka një kategori të caktuar personash që nuk do të jenë përfitues.

Pas një ekzistence gati një vjecare që prej nisjes së konfliktit Rusi-Ukrainë ministrja Ibrahimaj bëri me dije se do të shfuqizohet bordi i karburanteve. Brenda disa javësh ligjërohen edhe bastet sportive.

Ministrja e financave Delina Ibrahimaj premtoi se do të ketë paketa të tjera ndihmëse për njerëzit në nevojë nëse inflacioni do të jetë i lartë. Vetëm në fundvitit qeveria rishikoi buxhetin duke akorduar një fond prej 8 mld lekësh, shpërblime për pensionistët por edhe administratën.